SATURDAY, NOVEMBER 16, 2013
Written on
ISON ධූමකේතුව හෙට සිට ලංකාවට දර්ශනය වේ
17 වනදා පාන්දර 5.00 ට පමණ නැඟෙනහිර අහසේ එය ලාංකිකයන්ට දිවන අතර සූර්යයා උදාවත්ම නොපෙනී යයි.
ඉන්පසු 23 වනදා දක්වා අතර කාලයේ නැඟෙනහිර ක්ෂිතිජයේ විහිදී යන ලෙස එහි වල්ගය දිස්වේ. මෙලෙස නැරඹීම සඳහා නැඟෙනහිර අහසේ ක්ෂිතිජය පෙනෙනා උස් ස්ථානයකට යා යුතුය.
පූර්ණ චන්ද්රයා මෙන් 15 ගුණයක එළියක් සහිත වල්ගාතරුවක් 2013 වසරේ පෘතුවියට දර්ශණය වීමට නියමිත බවට පසුගිය කාලයේ වාර්තාවූයේ මෙම වල්ගාතරුවයි.
C/2012 S1 ලෙස නම් කර ඇති මෙය අඟල් 15.7ක දූරේක්ෂයක් මඟින් රුසියානු විද්යාඥයින් පිරිසක් විසින් සොයාගැනුනේ පසුගිය වසරේ සැප්තැම්බර් මාසයේදීය.
දිවාකාලයේ පවා දර්ශනය වන මෙම වල්ගාතරුව උදේ කාලයේ හා සන්ධ්යා කාලයේ පෘතුවි වාසීන්ට පියවි ඇසින් හොඳින් නැරඹිය හැකිය. රාත්රී කාලයේ එය හොඳින්ම දර්ශනය වන්නේ උත්තර අර්ධගෝලයටය.
2014 ජනවාරි මාසයේ මැද දක්වාම එය පියවි ඇසින් දර්ශන වී නොපෙනී යන මෙම වල්ගාතරුව ලංකාවට දර්ශනය වන්නේ මෙම මස 17ත් 23ත් අතර කාලයේදී පමණි
තත්පරයට කිලෝමීටර් 376ක වේගයෙන් ඇදී යන මෙය සූර්යයාට වඩාත් ලං වන්නේ නොවැම්බර් 28 වනදාය. ඒ වනවිට වල්ගතරුවත් සූර්යයාත් අතර දුර වන්නේ කිලෝමීටර් මිලියන 1.2කි.
එම වල්ගාතරුවේ ඇති ග්රාහක වලාව දැඩි සිසිල් අයිස් තත්වයේ පවතින අතර එය සූර්යාට ලංවත්ම ඒවා ගිණි ගනිමින් වායු තත්වයට පත්වන නිසා එහි දීප්තිය වැඩි වන අතර සූර්යයාගේ දීප්තිය 26ක් නම් මෙම වල්ගාතරුවේ දීප්තිය 16ක් වන බවත් පැවසේ.
එය ඇතැම් විට සූර්යයාගේ ගුරුත්වාකර්ශනයට හසුව විනාශ වී යා හැකි නමුත් දැනට කර ඇති ගණනය කිරීම් අනුව එසේ නොවන බවට විශ්වාස කරයි.
පසුගිය සතියේ සිට තාරකා විශ්යාඝ්නයින් එම වල්ගාතරුව දෙස විමසිල්ලෙන් පසුවූ අතර මීට දින කිහිපයකට පෙර සිට මෙහි ජායාරූප අන්තර්ජාලයට එක්වී තිබුණි.
පහතින් ඇත්තේ 2013 අප්රේල් 10 වනදා හබල් දූරේක්ෂය මඟින් ගත් මෙම වල්ගාතරුවේ ජායාරූපයකි.
පහතින් ඇත්තේ 2013 ඔක්තෝබර් 09 වනදා පෘතුවියට සැතපුම් මිලියන 177ක දුරින් තිබියදී හබල් දූරේක්ෂය මඟින් ගත් මෙම වල්ගාතරුවේ ජායාරූපයකි.
පහතින් ඇත්තේ 2013 ඔක්තෝබර් 25 වනදා අලුයම් කාලයේ, පෘතුවියට සැතපුම් මිලියන 132ක දුරින් තිබියදී නාසා ආයතයට අයත් ඇමරිකාවේ පිහිටි Marshall Space Flight Center මඟින් ගත් මෙම වල්ගාතරුවේ ජායාරූපයකි.
වල්ගාතරු සූර්යයාට ආසන්න වෙත්ම සිදුවනදේ පහත වීඩියෝවෙන්.
(nasa)
R
No comments:
Post a Comment